Чингүнжавын ганзагын чулуу

Цүүгийн гав, Хярын өтөг  нь Булгийн дөрөлж, Урд могойн нуруунд байрладаг. Чингүнжав манжийн даралт шахалт ихсэж амь насанд аюултай болоод  ирэхэд эд юмс, үнэт зүйлээ есөн азарганд ачиж нутгийнхаа “Цүүгийн гав, Хярын өтөг” гэдэг газарт нууж мөнгөний манаач болгон Сүхлэгийн Зэвэг гэдэг хүнийг алж хамт булсан юм гэнэлээ. Мөн Төмөртэйн Байцын хаданд ихээхэн цул мөнгө нуусан гэсэн яриа байдаг ажээ. 1920-иод оны үед аж төрж байсан Т.Жамъян гэдэг хүн Зэвэгийн удам угсааны хүн байсан гэж настайчууд ярьдаг байсан гэнэ.  /Эл хууч яриаг нутгийн иргэн Я.Бямбаацэрэн  нутгийнхаа хөгшчүүлээс сонссоноо тэмдэглэж авчээ/