“Улсын аварга малчин өрх” Жамцын Доржсүрэн

1950 онд төрсөн, 1958-1962 онд сумын бага сургуульд, 1962-1965 онд Мөрөн арван жилийн сургуулийн 7 дугаар ангид суралцаж төгсжээ. 1965-1968 онд аав ээжийн хамт мал маллаж байгаад 1969-1972 онд Улаанбаатар хотын 065-р ангид цэргийн албыг хаажээ. 1972 онд Цэргээс халагдаж ирээд “Дэлгэрмөрөн”
нэгдэлд адуучин, хоньчноор ажиллаж байгаад 1991 оноос хувийн мал аж ахуй эрхэлж байна. Түүний хөдөлмөрийг үнэлж 1978 онд “Сумын аварга адуучин”, 1986 онд “Аймгийн аварга адуучин”, 1987 онд “Сумын сайн малчин”, 1995 онд “Аймгийн сайн малчин”, 2017 онд “Аймгийн хошой сайн малчин”, 2017 онд “Хөдөө аж ахуйн тэргүүний ажилтан” цол тэмдгээр, 2019 онд “Улсын аварга малчин өрх” цолоор тус тус шагнуулжээ