"Улсын аварга малчин" Цэнд-Аюушийн Налгар

1974 онд төрсөн,1982-1990онд сумын 8 жилийн дунд сургуулийн 8 дугаар анги төгсөж, 1990 оноос өнөөг хүртэл мал аж ахуйн салбарт нийт 32 жил
тасралтгүй мал маллаж байна. Түүний хөдөлмөр зүтгэлийг үнэлж 2005 онд “Мянгат малчин”, 2007 онд “Сумын сайн малчин”, 2010 онд “Аймгийн сайн малчин”, 2011 онд Ардын хувьсгалын 90 жилийн ойн медаль, “Сумын хүндэт” тэмдэг, ”Аймгийн тэргүүний ажилтан” цол, тэмдгээр тус тус шагнагдсан.
2007 онд Мөрөн хотод болсон “Мянгат малчдын” зөвлөгөөн, Улаанбаатар хотод зохион байгуулагдсан “Мянгат малчдын чуулган”-д сумаа төлөөлөн урилгаар оролцсон сумын шилдэг залуу малчин юм. 2017 онд “Улсын аварга малчин” цолоор шагнуулсан.