Улсын хошой аварга малчин Очирын Цэнд-Аюуш

1957 онд төрсөн, 1965-1972 онд сумын 8 жилийн сургууль төгсөж, 1972-1975 онд эцэг эхийн халамжид мал маллаж байгаад 1975-1978 онд Улаанбаатар хот
дахь Ардын армийн 121 дүгээр ангид цэргийн алба хаасан. 1978-1992 онд Бүрэнтогтох сумын Дэлгэрмөрөн нэгдэлд малчин, 1992 оноос өнөөг хүртэл мал аж ахуйн салбарт нийт 43 жил тасралтгүй мал маллаж байна. Түүний хөдөлмөр зүтгэлийг үнэлж 1988 онд сумын “Энх сүрэгтэн”, 1990 онд аймгийн “Хөдөлмөрийн
аварга”, 1991 онд аймгийн “Энх сүрэгтэн“, 1995 онд аймгийн “Алдарт уяач” цол, 1997 онд “Мянгат малчин”, 1998 онд “Сумын сайн малчин”, 2001 онд “Аймгийн сайн малчин”, 2007 онд “Улсын сайн малчин”, 2021 онд “Улсын хошой аварга малчин өрх”-өөр, 1991 онд “Хөдөлмөрийн хүндэт медаль”, 2006 онд Их Монгол улс байгуулагдсаны 800 жилийн ойн медаль, Ардын хувьсгалын 60,70,80, 90 жилийн ойн медаль, “Сумын хүндэт” тэмдэг, 2007 онд “Алтан гадас одон”, 2015 онд Хөдөө аж ахуйн “Хүндэт профессор” цолоор тус тус шагнагджээ.