Хишигдоржийн Ганболд
1965 онд Хөвсгөл аймгийн Төмөрбулаг сумын Тээл багт төрсөн. 1973-1981 онд сумын 8 жилийн дунд сургууль, 1983 онд Мөрөн I 10 жилийн сургуулийг төгсөж, Дархан хотын Барилгын техникумд элсэн орж суралцаж байх хугацаандаа цэргийн албанд татагдаж Ардын армийн 187 дугаар ангид цэргийн албыг 3 жил хааж, үргэлжлүүлэн сурч Барилгын техникч мэргэжлээр төгссөн. Төрийн захиргаа- удирдлага, Экологич- байгаль хамгаалал мэргэжилтэй. 1989 онд Хөвсгөл аймгийн Барилга сан техникийн засварын ангид бригадын дарга, 1991-1992 онд Арбулаг сумын АДХГЗ-ны зааварлагч, 1992 оны 10 сараас ИТХ-ын орон тооны нарийн бичгийн дарга, 1997 онд Бүрэнтогтох сумын Засаг даргын Тамгын газрын түшмэл, байгаль хамгаалагч, 2004-2008 онд сумын ИТХ-ын дарга, 2009-2013 онд ЗДТГ-ын дотоод ажилтан, байгаль хамгаалагч, 2013-2020 онд дотоод ажилтан, сургалт сурталчилгаа хариуцсан мэргэжилтэн, 2021 онд БОХ-ын улсын байцаагч, 2022 оноос ЗДТГ-ын даргаар тус тус ажиллаж байна. Төрийн захиргааны албан тушаалд 32 жил ажиллахдаа Ардын хувьсгалын 80,90 жилийн ойн медаль, Их Монгол улс байгуулагдсаны 800 жилийн ойн медаль, Алтан гадас одонгоор шагнагджээ.